Фавқулотда ҳолат режими сабаб Бишкекда ўрнатилган блокпостлар 1 майдан олиб ташланади. Бу ҳақда ички ишлар вазири Кашкар Джунушалиев маълум қилди.
Унинг айтишича, 1 майдан бошлаб фақат автомобил ва пиёда патруллари ишлайди.
Депутат Дастан Бекешевнинг саволига жавоб берган Бишкеккоменданти Алмазбек Орозалиев таксичиларга аввал берилган патентлар асосида электрон рухсатномалар берилади ва шу билан бирга улардан санитар-эпидемиологик қоидаларга амал қилиш талаб қилинади.
«Сиз ҳаммага электрон рухсатнома беришга улгурасизми? Блокпостлар бўлмайдиган тақдирда бунинг маъниси борми? Сиз улгурмайсиз! Мана бош вазирнинг айтишича, эртага120 минг киши ишга чиқар экан. Бу нотўғри. Мантиқсиз қарор қабул қилаяпсиз», – деди Бекешев.
Президент Сооронбай Жээнбеков 28 апрел куни Бишкек, Ўш, Жалолобод шаҳарлари ва Норин вилоятининг Отбоши тумани ҳудудларидаги фавқулотда ҳолат режимини 2020 йилнинг 10 майига қaдар узайтириш борасидаги фармонниимзолади.
30 апрел ҳолатига кўра Қирғизистонда 746 кишининг коронавирус инфекциясига чалингани қайд қилинди. Вирус тарқала бошлангандан бери 8 киши вафот этди, 462 бемор соғайиб кетди.
